तुफान गाजलेल्या ‘बनवाबनवी’चं तेव्हाचं तिकीट किती होतं ठाऊक आहे का? लागलेले हाउसफुलचे बोर्ड

Uncategorized

मराठी चित्रपटसृष्टीमधील सोनेरी पान ठरलेला चित्रपट म्हणजे ‘अशी ही बनवाबनवी’. या चित्रपटाने प्रेक्षकांचं निव्वळ मनोरंजन केलं. नुकतीच या चित्रपटाने ३४ वर्ष पूर्ण केली. आजही हा चित्रपट घराघरात आवर्जून पाहिला जातो. २३ सप्टेंबर १९८८ रोजी हा चित्रपट सिनेमागृहात लागला आणि त्याने इतर चित्रपटांची हवा गुल केली. या चित्रपटाने प्रेक्षकांना पोट भरून हसवलं.

   

धनंजय माने इथेच राहतात का, हा माझा बायको पार्वती, तुमचे सत्तर रुपये वारले, लिंबू कलरची साडी असे चित्रपटातील अनेक संवाद आजही प्रेक्षकांच्या तोंडी आहेत. प्रत्येकाच्या या चित्रपटाच्या वेगळ्या आणि आपल्या अशा आठवणी आहेत. परंतु, या चित्रपटाचं तेव्हाचं तिकीट किती होतं हे तुम्हाला ठाऊक आहे का?

अशोक सराफ, लक्ष्मीकांत बेर्डे, सचिन पिळगावकर, सुप्रिया पिळगावकर, निवेदिता सराफ, अश्विनी भावे, प्रिया बेर्डे यांसारख्या अभिनेत्यांची फौज असलेल्या या चित्रपटाने प्रेक्षकांना चित्रपटगृहापर्यंत यायला भाग पाडलं आणि थिएटरच्या बाहेर हाऊसफुलचे बोर्ड झळकले. रुपेरी पडद्यावर प्रदर्शित होणाऱ्या या चित्रपटाचं तेव्हाचं तिकीट होतं तीन रुपये.

तेव्हा बऱ्याच ठिकाणी बाल्कनी असलेली थिएटर असायची. त्यामुळे चित्रपटाचं खालचं तिकीट तीन रुपये तर बाल्कनीचं तिकीट ५ रुपये एवढं होतं. तेव्हा या चित्रपटाने ३ कोटींचा गल्ला जमवला होता. चित्रपटाने तेव्हा कमावलेले ३ कोटी म्हणजे आताचे १०० ते १५० कोटी म्हणता येतील कारण तेव्हा तीन रुपयांची किंमतही तेवढीच जास्त होती.

हे वाचा:   'तिला सांगा'; उर्फी जावेद प्रकरणावर अमृता फडणवीस यांची मोठी प्रतिक्रिया

मराठी कलाविश्वातील या हरहुन्नरी कलाकारांच्या अभिनयाने सजलेला ‘बनवाबनवी’ आजही प्रेक्षकांचा तितकाच आवडता आहे आणि कायमच हा चित्रपट प्रेक्षकांचा आवडता राहील.

Leave a Reply